1. LANDA GARAPENERAKO LEGEA

Eusko Legebiltzarrak Landa Garapenari buruzko 2022ko ekainaren 30eko 7/2022 Legea onartu zuen. Lege honen xedea euskal landa ingurunearen garapen jasangarrirako jarduna orientatuko dituen arau esparrua antolatu eta ezartzea da, herrialdearen garapen eta kohesiorako, ekonomiari, gizarteari eta lurraldeari dagokienez. Horretarako, ezinbestekoa izango da nekazaritza, abeltzaintza eta basogintza jarduerak kontuan hartzea. Jarduera horiek sustatzea landa-eremuko biztanleria eta lurraldea mantentzeko eta garatzeko oinarrizko tresna izango da.

Lege honen xederako, honela ulertzen da Landa-garapena, landa-eremuetan aplikatutako lurralde-Garapenerako prozesua, honako xede hau duena: euskal landa-ingurunearen jasangarritasuna eta funtzio-aniztasuna zaintzea, biztanleen ongizatea eta bizi-kalitatea hobetzea eta EAEren ekonomia-, gizarte- eta lurralde-kohesioa bideratzea.

Landa Garapenerako Legearen helburu estrategikoak honako hauek dira:

• EAEko landa-eremua sustatzea eta babestea, bereziki nekazaritza-jarduerak eta mendi-eremuek hartzen dutena, EAEko lurraldea egituratzen duen eta bertako paisaia adierazgarriena eratzen duen funtsezko elementua baita.
• EAEko landa-eremuetan jarduera ekonomikoa sustatzeko eta dibertsifikatzeko beharrezkoa den erakundeen arteko koordinazioa bermatzea, herrialdeko ekonomia iraunkorra garatzen eta eremu horietan biztanleria eta zerbitzuak finkatzen laguntzeko, betiere lehen sektorearen jarduera errespetatuz, landa-eremuan funtsezkoa baita.
• EAEko landa-biztanleriaren ongizate-maila eta hirietako biztanle pobreen ongizate-maila berdintzea, eta landa-inguruneko despopulazioa eta zahartzea lehengoratzea, Euskadiren gizarte- eta lurralde-kohesiorako funtsezko faktore gisa.

Helburu horiek NBEren Garapen Iraunkorreko Helburuekin eta klima-aldaketari aurre egiteko 2015eko Parisko Akordioarekin bat etorriz bultzatuko dira.

2. LANDA-EREMUEN KARAKTERIZAZIOA

Euskadiko landa-eremuen karakterizazioa Landa Garapenari buruzko ekainaren 30eko 7/2022 Legean oinarritzen da. Legeak adierazten du landa-eremuen identifikazioa egingo dela, parametroetan oinarrituta, besteak beste, biztanleriarekin, nekazaritza-jarduerarekin eta biztanleria-dentsitatearekin.

2022ko ekainean onartutako Landa Garapenerako Lege berriak azpimarratzen du “EAEko landa-eremuaren zonifikazioak ezinbesteko garrantzia duela ezaugarriak eta beharrak identifikatzeko, ondoren definituko diren garapen-esparruei dagokienez”. Karakterizazioa, Euskadiko landa-eremuei eragiten dieten laguntza-politikak eta -programak diseinatzeko eta aplikatzeko tresna bat da.

• Geoeuskadi
• Zure erakundearen kalteberatasun-maila kontsultatzeko jarraibideak

3. PLANGINTZA-TRESNAK

Politika instituzionalen bidez bultzatu eta babestu behar diren jarduketak oinarrizko bi programazio-tresnaren inguruan egituratuko dira. Lurralde-Garapenerako programak (LuGP) eta landa-Garapenerako eskualdeko programak (LGEP) dira tresna horiek:

• Landa-eremuen garapen sozioekonomikoa xede duten politikak, helburu orokorrak, helburu sektorialak eta jarduketa-ardatzak lurralde-Garapenerako programen (LuGP) itxurapean agertuko dira.
• Lurralde-Garapenerako programetan azaltzen diren helburu orokorrak, helburu sektorialak eta lehentasunezko jarduketa-ardatzak landa-Garapenerako eskualdeko programen (LGEP) bitartez agerrarazi eta betearaziko dira.

Gaur egun 2015-2020 LGP dago indarrean, hurrengo aldiko LGPa indarrean sartu arte luzatuta.